S T A T U T I

Prishtinë / Dhjetor 2011

Asociacionin e Mjekëve Familjarë te Kosovës është Shoqatë Profesionale e Mjekëve Familjarë e themeluar në Dhjetor 1999, në pajtim me Rregulloren 1999/22 të UNMIK

 I   Dispozitat e përgjithshme

 Neni 1

 1.0. Qëllimi

 1.1. Me këtë statut rregullohet emërtimi, selia dhe aktivitetet, statusi juridik,antarësimi përfaqësimi dhe prezantimi, struktura e Institucionit, trupat e Institucionit, zhvillimi i vazhdueshëm profesional, aktet e përgjithshme, pronësia dhe financimi, transparenca.

 1.2. Organizata quhet ASOCIACIONI I MJEKËVE FAMILJARË TË KOSOVËS dhe njihet me akronimin  - AMFK (dhe në vazhdim si AMFK)

 1.3. Selia e AMFK është në Prishtinë, QZHMF (QKUK, 10000 Prishtinë, Kosovë)

1.4. Organizata është Shoqatë Profesionale e Mjekëve Familjarë (në pajtim me rregulloren 1999/22)

1.5. AMFK ka llogon e sajë, vulen e rrumbullakët si dhe vulen katrore

 1.6. AMFK ka revisten mujore me emrin: “ Mjekësia Familjare”

 1.7. AMFK ka web faqen e sajë: www.amfk.org

 1.7. AMFK është themeluar me qellim të promovimit dhe perfaqesimit të denjë të Mjekëve Familjar të Kosovës, pavarësisht  nga gjinia, preferencat politike apo religjioze.

 Neni 2

 2.0. Themelimi i Asociacionit të Mjekëve Familjarë të Kosovës [AMFK/AFPK]

 Asociacioni i Mjekëve Familjarë të Kosovës (AMFK/AFPK) është themeluar në Dhjetor 1999, në pajtim me Rregulloren 1999/22 të UNMIK. 

Neni 3 

3.0 Përfaqesimi 

3.1. Përfaqësuesi më i lartë i AMFK  në Kosovë  është  Kryetari i Asociacionit i cili zgjidhet nga Bordi i Drejtorëve.

3.2. Drejtorët e Bordeve zgjidhen nga Delegatët e Kuvendit.

3.3. Delegatët zgjidhen në Kuvendet zgjedhore Regjionale (në Prishtinë, Mitrovicë, Pejë, Gjakovë, Prizren, Ferizaj dhe Gjilan, nga 7 delegatë prej secilit Regjion, ndërsa Prishtia përfaqësohet me 10 delegatë).

3.4. Delegatët Regjional zgjedhin Kryetarin, Nënkryetarin dhe Sekretarin  Regjional të  AMFK (me mandat 5 vjecar. Në rast ndërrimi të cilitdo zyrtarit të AMFK Rajonal – për shkaqe të ndryshme, mbahet kuvendi rajonal i radhës dhe emrohet zyrtari i zëvendësuar. Kuvendi Regjional gjegjës obligohet të njoftoj Kryetarin e AMFK për këto ndërrime).

3.5. Kryetari i AMFK është përgjegjës për  njoftimin e Autoriteteve për ndërrimet eventuale në organizatë.

 Neni  4

 4.0 Kuvendi

 4.1. Kuvendi është trupi me i lartë ne qeverisjen e organizates.

4.2. Kuvendin e perbëjnë të gjithë Delegatët dhe Ekzekutivi i AMFK.

4.3. Kuvendi ka pergjegjesi për politikat dhe aktivitetin financiar te organizatës.

4.4. Në bazë të këtijë STATUTI  kuvendi ka edhe keto përgjegjësi

4.4.a.Zgjedhjen e drejtorve te bordeve

4.4.b.Aprovimin e raporteve të zyrtarëve

4.4.c.Të aprovoj raportin vjetor të kryetarit të AMFK

4.5. Kuvendi gjithashtu mundet që per hir te produktivitetit të punes të bartë ndonje nga pergjegjësit e veta në ndonje organ tjeter të AMFK me shumicë të votave te tij.

 Neni 5

5.0. Takimet e Kuvendit

5.1. Takimet e rregullta të Kuvendit mbahen ne fund të vitit, ku behet analizimi  i punës njevjecare te AMFK si dhe aporvohet plani i punes per vitin e ardhshem.

5.2. Kuvendi mund te mblidhet edhe kur kete e kerkojnë: gjysma e Delegatëve (plus një delegat), Bordi i Drejtorëve (pesë Drejtorë)  apo Kryetari i AMFK

5.3. Kerkesa duhet të adresohet të sekretari i AMFK  i cili me pas do t’i njoftoj delegatët  me shkrim

5.4. Ftesa duhet të jetë me shkrim me daten, vendin dhe oren e sakët të takimit si dhe agjenda e paraparë.

5.5. Nese nuk arrihet qe ne takim të mblidhen gjysma e delegatëve (plus një delegat), atehere mbledhja shtyhet per mungesë kuorumi.

5.6. Secili delegat  ka nga nje votë në Kuvend.

5.7. Vendimet merren me shumicë votash  (e delegatëve  prezent). 

Neni 6

6. Struktura organizative dhe antarësimi

 6.1. AMFK përbëhet prej Kuvendit, Bordit te Drejtorve dhe Ekzekutivit (Kryetarit, Zëvendëskryetarit, Sekretarit, Juristit, Ekonomisti  dhe Zëdhënesi).

6.2.Antarësimi është i hapur ndaj të gjithë Specialistëve të Mjekësisë Familjare si dhe personave shëndetësor pa marrë parasysh përkatësinë gjinore, racore, fetare etj.

6.3.Pagesa e antarësimit është vjetore dhe kapë vlerën 15 euro në vit (me kete pagesë anëtari merr Certifikatën herën e parë dhe Librezën e anëtarësimit e cila vuloset për çdo vit mbi dëshminë e pagesës–të gjitha këto janë të mbrojtura nga AMFK ©)

6.4 Çdo pagesë për secilin aktivitet të AMFK bëhet në llogarinë rrjedhëse të AMFK e cila kontrollohet nga Ekonomisti dhe Kryetari i AMFK.

6.5.Kuvendi është trupi me i lartë i organizates dhe përbehet nga të gjithë delegatët e  AMFK-së.

Neni 7

7.0. Bordi i Drejtorëve

 7.1.Bordi i drejtoreve eshte organ i zgjedhur nga kuvendi (Delegatët). AMFK ka nëntë (9) Borde:

1.Bordin Etik

2.Bordin e Redaksisë

3.Bordi i Udhërrëfyesve dhe Protokoleve

4.Bordin e Sistemit Informativ Shëndetësor (SISH)

5.Bordin e Hulumtimit, (Punimeve shkencore, Auditeve, Peer Review...)

6.Bordin e Zhvillimit të Vazhdueshëm Profesional (ZHVP)

7.Bordin e Kontrollit të Cilësisë

8.Bordin për Planifikim Strategjik 

9.Bordin për Mardhënje Ndërkombëtare

7.2. Bordi i Drejtorëve bën zgjedhjen e Kryetarit, Nënkryetarit, Sekretarit, Juristit, Ekonomistit dhe Zëdhënësit, të cilët janë Ekzekutivi i AMFK.

7.3. Nëntë Bordet e cekura udhëhiqen nga Drejtori, ndërsa secili Bord ka të paktën edhe katër anëtarë tjerë (numër tek).

7.4. Ne rast të vdekjes apo ndërrimit të ndonjërit prej anëtarve, bordi bën emrimin e anëtarit te ri.

7.5. Vendimet e bordit mirren me shumicë.

7.6. Bordi mund të referoj ndonjë lënd në kuvend të AMFK që të shqyrtohet.

7.7. Asnjëri nga anetaret nuk guxon të ket implikime të interesave të tij/saj personale dhe ekonomike në raport me AMFK dhe anasjelltas.

7.8. Mandati i tyre zgjatë 5 vjet, me mundësi të një rizgjedhjeje në postin e njejtë.

7.9.Këta zyrtar mund të largohen edhe para afatit te tyre nese këte e aprovon kuvendi.

Neni 8

8.0. Zyrtarët dhe Nëpunësit

8.1. Bordi mundet te punësoj edhe punëtorë ne qofte se kjo eshte  e nevojshme per nje administrim me te mire te aktiviteteve, por per kete duhet ta informoj kryetarin, dhe nëse siguron mjete me transparencën financiare.

8.2. Nenpunesit do te krijojne mardhenje pune, nen kushtet e parapara ligjore dhe me shkrim te cilat do ti ofrohen nga ana e AMFK.

Neni 9

9.0. Ekzekutivi i AMFK-së:

9.1. Ekzekutivi i AMFK-së zgjidhet nga Bordi i Drejtorëve dhe  përbëhet nga:

1.Kryetari

2.Nënkryetari

3.Sekretari

4.Juristi

5.Ekonomisti

6.Zëdhënësi

9.2. Mandati i tyre zgjatë 5 vjet, me mundësi të një rizgjedhjeje në postin e njejtë

9.3. Secili nga Ekzekutivi mund të largohen edhe para afatit te tyre nese këte e aprovon Bordi i Drejtorëve.

II Aktivitetet e AMFK

Neni 10

10.0. Aktivitetet e AMFK janë :

 10.1. Shendetësia

10.2. Edukimi

10.3. Promovim Shëndetësor

10.4. Promovimi i Shoqerisë Civile

 Neni 11

11.0. Shuarja e organizates

11.1. Shuarja e organizates mund te behet vetem me vendimin e shumices se delegatëve te kuvendit.

11.2. Pas shuarjes kuvendi do te duhej te gjeje nje organizate qe trashigon  organizaten e shuar me aktivitet te njejte ose te peraferta

 Neni 12

 12.0. Amendamentet ne status

 12.1. Amandament ne statut  mund te shtohen apo hjeken me vendimin e kuvendit me dy te tretat e delegatëve.

Neni 13

13.0. Raportimi

 13.1. AMFK mbanë Kuvendin vjetor për raportime.

13.2. Drejtorët e Bordeve raportojnë në baza gjashtë mujore Kryetarit të AMFK, ndërsa në fund të çdo viti të gjithë Drejtorët e Bordeve (7.1.) raportojnë ne Kuvendin vjetor.

13.3. Kryetari i AMFK raporton një herë në vit në Kuvendin vjetor të AMFK.

Ky statut hyn ne fuqi në Prishtinë,  14 Dhjetor 2011

 Nenshkruesit e statutit:

 1.____________________________   Kryetar

2.____________________________    Nënkryetar 

3.____________________________    Sekretar

4.____________________________    Jurist

5.____________________________    Ekonomist

6.____________________________    Drejtor i Bordit Etik

7.____________________________    Drejtor i Bordit Redaksisë

8.____________________________    Drejtor i Bordit  për Udhërrëfyes dhe Protokole

9.____________________________     Drejtor i Bordit SISH

10.  ____________________________   Drejtori i Bordit të Hulumtimit

11.  ____________________________   Drejtor i Bordit të ZHVP

12.  ____________________________   Drejtor i Bordit të Kontrollit të Cilësisë

13.  ____________________________   Drejtor i Bordit për Planifikim Strategjik

14.  ____________________________   Drejtor i Bordit për Mardhënje Ndërkomtare

15.  ____________________________   Zëdhënës

                                                            Prishtinë,   14 / Dhjetor / 2011