EDUKIMI SPECIALISTIK PASDIPLOMIK NË MJEKËSINË FAMILJARE

Asociacioni i Mjekëve Familjarë të Kosovës (AMFK) menjëherë pas  themelimit në Dhjetor të 1999, filloj një cikël takimesh pune në të gjitha qendrat e mëdha të Kosovës me tema mbi konceptin e Mjekësisë familjare. Në vitin 2000 fillon programi i Zhvillimit të Vazhdueshëm Profesional (ZHVP) për mjekët e përgjithshëm, udhëhequr nga Organizata Botërore e Shëndetësisë (OBSH). Programi është finansuar fillimisht nga WHO dhe pastaj nga EAR. Po të njëjtin vit Departamenti i Shëndetësisë dhe Mirëqenjes Sociale-DSHMS e pranon Mjekësinë Familjare si specializim të veçantë. Zhvillimi i Vazhdueshëm Profesional në Mjekësi Familjare i udhëhequr nga OBSH-ja njihet si vit i parë i specializimit të përshpejtuar në Mjekësi familjare. Duke u bazuar në strategjinë e shëndetësisë “librin e kaltër” të nxjerrur menjëherë pas lufte ku Kujdesi Parësor Shëndetësor definohet si gurthemel i sistemit shëndetësor në Kosovë si dhe lidhur me nevojën për mjekë të përgjithshëm në Kosovë, DSHMS përkatësisht Bordi Qendror për Edukim Specialistik Pasdiplomik e përvetëson programin dy vjeçar të specializimit në Mjekësi Familjare. Në zhvillimin e këtij programi fillimisht janë përkujdes krahas ekspertëve vendor edhe ata ndërkombëtarë. Në shtator të vitit 2002 nga Ministria e Shëndetësisë përkatësisht Departamenti i Shërbimeve Shëndetësore themelohet Qendra për Zhvillimin e Mjekësisë Familjare e cila merr përsipër zhvillimin e Edukimit Specialistik në Mjekësi Familjare dhe evaluimin e mëtejmë të programit pasdiplomik specialistik.

Planprogrami i specializimit « të përshpejtuar » nga MF është bazuar në nevojat shëndetësore dhe paraqitjet e zakonshme në Kosovë si dhe në parimet e përgjithshme dhe përmbajtjen e mjekësisë familjare. Grupi i parë (2000-2001) i specialistëve të Mjekësisë Familjare ishte 46, grupi i dytë (2000-2002) (dy vjeçar) ishte 45, grupi i tretë (2001-2002) përfshinte 105, grupi i katërt (2003-2004) ishte 46 dhe grupi i pestë (2002-2004) (dy vjeçar) përfshinte 70 specialistë. Gjenerata e fundit e specilaizimit të ‘përshpejtuar’, viti i dytë prej 95 specializantësh ka filluar trajnimin në shtator 2004. Programi i Edukimit Pasdiplomik Specialistik tre vjeçar i përpiluar sipas standardeve ndërkombëtare nga Komiteti Specialistik dhe bashkëpunëtorët ndërkombëtar në mjekësi familjare ka filluar në maj 2005, ku kemi 54 Specializantë. Në tetor 2007 pritet të fillojnë gjenerata e re.... pra nga korriku i vitit 2000 deri më sot Programin e Specializimit nga Mjekësia Familjare e kanë përfunduar 405 mjekë dhe kanë marë titullin Specialist i Mjekësisë Familjare.

Edukimi Specialistik Pasdiplomik në Mjekësinë Familjare

(përfshinë studimet trevjeçare me 11 Module)